Учрашув аввалида Михаил Мишустин Россия президенти Владимир Путиннинг саломи ва энг эзгу тилакларини етказди, дея хабар бермоқда Россия ҳукумати Матбуот хизмати хабар берди.
Россия президентининг жорий йил 26-28 май кунлари Ўзбекистонга давлат ташрифи давомида қабул қилинган қарор ва келишувларни амалга оширишга алоҳида эътибор қаратилди.
Россия Ҳукумати Раиси икки мамлакатнинг миллий валюталарда ҳисоб-китобларга ўтиши муҳимлигини алоҳида таъкидлади. Ҳозир уларнинг улуши 70 фоиздан зиёдни ташкил этмоқда.
Михаил Мишустин товар айирбошлаш суръатини сақлаб қолиш, саноат, энергетика мажмуи, қишлоқ хўжалиги, транспорт ва иқтисодиётнинг бошқа устувор тармоқларида кооперация лойиҳаларини қўллаб-қувватлаш ва жадаллаштириш бўйича мувофиқлаштирилган чора-тадбирлар кўриш муҳимлигини таъкидлади.
Ўзбекистон президенти ҳудудлар даражасида амалий ҳамкорликни янада кенгайтириш, жадал маданий-гуманитар алмашинувни давом эттириш, миграция соҳасида самарали ҳамкорликни ташкил этиш муҳимлигини таъкидлади.
