Тадбирлар «Тошкент шаҳар йўловчи ташишини мониторинг ва назорат қилиш» давлат муассасаси назоратчилари томонидан ташкил этилди. Уларнинг асосий мақсади жамоат транспортида йўл ҳақини ўз вақтида тўлаш маданиятини шакллантириш ва чиптасиз юриш ҳолатларининг олдини олишдан иборат.
Назорат жараёнида йўловчиларга автобусга чиқиш вақтида йўл ҳақини тўлаш зарурлиги, транспорт ва банк карталари ҳамда бошқа нақдсиз тўлов усулларидан фойдаланиш тартиби тушунтирилди.
Қоидабузарликлар энг кўп қайд этилган йўналишлар қуйидагича:
• 8Т-йўналиш — 593 та;
• 145-йўналиш — 585 та;
• 194-йўналиш — 531 та;
• 65-йўналиш — 517 та;
• 74-йўналиш — 417 та.
Маълум қилинишича, 2026 йил 1 сентябрдан бошлаб брутто-шартнома асосида ташкил этилган мунтазам шаҳар автобус йўналишларида йўловчилар автобусга чиқиш вақтида йўл ҳақини белгиланган тартибда тўлаши шарт. Йўл ҳақини тўламасдан ҳаракатланиш маъмурий жавобгарликка сабаб бўлади.
Изоҳ