Тошкент шаҳар ИИББ ЙҲХБ матбуот хизмати маълум қилишича, 18 ёшли ҳайдовчи Бунёдкор кўчасида, «Ўзтелеком» биноси қаршисида ҳаракатланаётган бўлган.
Дастлабки маълумотларга кўра, аварияга автомобилнинг рул бошқарувидаги техник носозлик сабаб бўлган бўлиши мумкин.
Ҳодиса оқибатида ҳайдовчи ва икки нафар йўловчи оғир тан жароҳатлари билан шифохонага олиб борилган. Бироқ шифокорлар саъй-ҳаракатларига қарамай, учаласи ҳам вафот этган.
Мазкур ҳолат юзасидан Жиноят кодексининг 266-моддаси (Транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Тергов ҳаракатлари олиб борилмоқда.
Изоҳ