Анқара шаҳрида бўлиб ўтган Туркий давлатлар ташкилотининг 13-саммити доирасида ташкилотнинг янги Бош котиби тайинланди. Бу ҳақда «Дунё» ахборот агентлиги хабар берди.
Давлат раҳбарлари кенгаши қарори билан Ўзбекистон ташқи ишлар вазири ўринбосари Мирвоҳид Азимов Туркий давлатлар ташкилоти Бош котиби этиб тайинланди.
Қайд этилишича, ташкилот тарихида биринчи марта Ўзбекистон вакили мазкур лавозимни эгаллади.
Эслатиб ўтамиз, Мирвоҳид Азимов жорий йил май ойидан буён Ўзбекистон ташқи ишлар вазири ўринбосари лавозимида ишлаб келаётган эди. Бундан аввал эса у Туркий давлатлар ташкилоти Бош котиби ўринбосари лавозимида фаолият юритган.
Изоҳ