Аввалроқ, Навоий халқаро аэропортида Россиянинг IFly авиакомпанияси Москва ва Санкт-Петербургга мавжуд бўлмаган рейслар учун чипта сотгани ҳақида хабар бергандик.
Транспорт вазирлигининг хабарига кўра, Шу муносабат билан "Ўзавиация" агентлиги томонидан I Fly Airlines авиакомпаниясига санкция тариқасида Ўзбекистонга чартер парвозларини амалга оширишни вақтинчалик тўхтатиш тўғрисида қарор қабул қилинди. Авиакомпаниялар томонидан бундай ҳолатлар такрорланган тақдирда "Ўзавиация" агентлиги парвозларни амалга ошириш учун берилган эксплуатация рухсатномаларни бекор қилади.
"Шу ўринда йўловчилар ва авиакассалар мутасаддиларидан авиачипталарни сотиб олиш ёки сотишдан олдин "Ўзавиация" агентлиги веб-сайтининг бош саҳифасидаги "Ахборот жадвали" бўлимида режалаштирилган чартер парвозларининг ҳолати билан танишиб чиқишни тавсия этамиз", - дейилади хабарда.
