Бугун, 8 ноябрь куни «Навоий» халқаро аэропортида Россиянинг IFly авиакомпаниясининг рейслари орқали Навоий – Москва ва Навоий – Санкт-Петербург йўналишлари бўйича учиб кетиш учун 200га яқин одам тўпланган. Лекин, ушбу рейслар жадвалда бўлмаган.
Аниқланишича, йўловчилар чипталарни «Бухоро шарқи» компаниясининг Самарқанд, Бухоро ва Урганч шаҳарларида жойлашган филиалларидан харид қилишган.
Қайд этилишича, аэропорт ходимлари чипта сотган компания билан боғланиб, йўловчиларга керакли маълумотларни беришни ва юзага келган вазиятни тартибга солишни талаб қилишган.
«Компания вакиллари барча йўловчиларга чипта пуллари қайтарилишини маълум қилди», - дейилади хабарда.