Кеча, 22 май куни Қашқадарё вилояти Кўкдала туманида мактаб ўқувчисини Камаз юк машинаси босиб кетгани акс этган видео ижтимоий тармоқларга сиздирилди. Ушбу ҳолат юзасидан Қашқадарё вилояти ИИБ Матбуот хизмати изоҳ берди.
Аниқланишича, ушбу ЙТҲ жорий йилнинг 15 май куни Кўкдала туманида содир этилган. ЙТҲ натижасида 2-синфда ўқийдиган мактаб ўқувчиси воқеа жойида вафот этган. Йўл-транспорт ҳодисаси юзасидан Кўкдала туман Ички ишлар бўлими ҳузуридаги тергов гуруҳи томонидан ЖКнинг 266-моддаси 2-қисми билан жиноят иши қўзғатилган.
Ҳайдовчига нисбатан қамоққа олиш тарзидаги эҳтиёт чораси қўлланган.
