20 январь куни соат 17:00 да Ғарбий Қозоғистоннинг Акжайк вилоятидан ўтувчи Уралск-Атирау автомобил йўлида ЙТҲ содир бўлди. Бу ҳақда Ғарбий Қозоғистон вилояти полиция бошқармаси хабар берди.
Mazda CX-7 русумли автомашинанинг 41 ёшли ҳайдовчиси қарама-қарши бўлакка чиқиб кетиб, юк машинаси билан тўқнашиб кетган. Тўқнашув натижасида Mazda ҳайдовчи, шунингдек, машинада бўлган унинг 40 ёшли рафиқаси ва 12 ёшли фарзанди воқеа жойида ҳалок бўлган. Машинада бўлган 14 ёшли ўсмир тирик қолган. У туман касалхонасига ётқизилган.
Қайд этилишича, ҳалок бўлганлар Ўзбекистон фуқаролари бўлган. Ҳозирда мазкур ҳолат юзасидан суриштирув ишлари олиб борилмоқда.
