Кеча, 21 ноябрь куни Тошкент шаҳар Миробод туманида бир фуқаро отиб кетилгани ҳақидаги ёлғон хабар ижтимоий тармоқларга сиздирилди. Ушбу ҳолат юзасидан Тошкент шаҳар ИИББ Матбуот хизмати изоҳ берди.
Аниқланишича, жорий йилнинг 21 ноябрь куни тахминан соат 22:30 атрофида Миробод тумани Нукус ва Авлиёота кўчалари чорраҳасида 1998 йилда туғилган Б.Б. бошқарувидаги Hyundai sonata автомашинасида пиёдани уриб юборган. Натижада пиёда 1982 йилда туғилган Ф.К. шифохонага олиб борилганда, шифокорларнинг саъй-ҳаракатларга қарамай, вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан ЖКнинг 266-моддаси 2-қисми билан жиноят иши қўзғатилган. Тергов ҳаракатлари олиб борилмоқда.
