Бугун, 26 август куни Нукусда бўлиб ўтаётган Қорақалпоғистон Республикаси Жўқорғи Кенгесининг навбатдан ташқари йиғилишида Аманбай Оринбаев Қорақалпоғистон Республикаси Жўқорғи Кенгеси раиси лавозимига тасдиқланди.
Маълумот учун, Аманбай Оринбаев жорий йилнинг июль ойида Қорақалпоғистон Республикаси Вазирлар Кенгаши Раисининг Экология ва Оролбўйи ҳудудларини ривожлантириш масалалари бўйича биринчи ўринбосари лавозимига тайинланганди. Ундан аввал эса Қорақалпоғистон ИИВ раҳбари лавозимида фаолият юритганди.