Бош прокуратуранинг UzNews.uz'га берган маълумотига кўра, 2024 йил 28 ноябрь куни соат тахминан 19:30 ларда Шайхонтоҳур туман ИИО ФМБ НҚга тушган хабарга кўра, Мирзо Улуғбек туманида яшаган 2008 йилда туғилган йигит собиқ “Чорсу” меҳмонхонаси биносига таниши билан бирга рухсатсиз чиқиб, бинонинг 21-қаватидан 3-қаватигача тушиб кетган. Йигит олган тан жароҳатлари натижасида, воқеа жойида вафот этган.
Марҳум вафот этганлиги ҳолати юзасидан судга оид тиббий экспертизаси тайинланган.
Ҳозирда, ушбу ҳолат юзасидан Шайхонтоҳур туман прокуратураси томонидан терговга қадар текширув ҳаракатлари олиб борилмоқда.
