16 май куни Ташқи ишлар вазири Бахтиёр Саидов Литва ва Даниянинг янги тайинланган фавқулодда ва мухтор Элчилари Эгидиюс Навикас ва Якоб Хеннингсеннни қабул қилди. Бу ҳақда Саидов ўзининг Telegram-саҳифасида маълум қилди.
Ташқи ишлар вазири янги элчиларнинг ишонч ёрлиқларини қабул қилди. Учрашувда ҳамкорликни янада ривожлантиришнинг истиқболли йўналишлари белгилаб олинди.
Бахтиёр Саидов элчиларга муносабатларни кенгайтириш борасидаги улкан салоҳиятни янада рўёбга чиқаришда муваффақиятлар тилади.
