Жорий йилнинг 19 июль куни соат 17:00 атрофида Яккасарой тумани Бобур кўчасида 1988 йилда туғилган А.Д. Yutong автобусини бошқариб кетаётиб, йўлнинг белгиланмаган қисмидан кесиб ўтаётган пиёда 1972 йилда туғилган Ғ.К.ни уриб юборган.
ЙТҲ натижасида пиёда олган тан жароҳатлари билан тиббий муассасага олиб борилган. Бироқ тиббиёт ходимларининг саъй-ҳаракатларига қарамасдан Ғ.К. шифохонада вафот этган. Бу ҳақда Тошкент шаҳар ИИББ ЙҲХБ Ахборот хизмати хабар берди.
Мазкур ҳолат юзасидан Тошкент шаҳар ИИББ Тергов бошқармаси томонидан ЖКнинг 266-моддаси 2-қисми билан жиноят иши қўзғатилган. Тергов давом этмоқда.
