Афғонистон миллий электр компанияси (DABS) Ўзбекистон Афғонистонга электр энергияси экспортини келишмаган ҳолда 60 фоизга қисқартирганини даъво қилмоқда. Бу ҳақда компания Матбуот хизмати хабар берди.
Компания маълумотларига кўра, Ўзбекистон томони бу ҳолатни техник муаммолар билан изоҳлаган. Хусусан, "Талимаржон" иссиқлик электр станциясида аниқланган техник хусусиятга эга муаммолар экспорт ҳажмини қисқартирган.
Қайд этилишича, Ўзбекистон расмийлари Афғонистонга электр энергияси етказиб бериш яқин икки-уч кун ичида нормал ҳолатга қайтишига умид қилишини айтишган.
"Ўзбекистон томонидан электр энергияси таъминоти қисқаргани сабабли 16 та вилоятда электр таъминоти узилиб қолган", - дейилади хабарда.
