Ўзбекистон ташқи ишлар вазири ўринбосари Олимжон Абдуллаев Туркманистоннинг мамлакатимиздаги элчиси Шадурди Мередов билан учрашди.
Музокараларда 2004 йилдаги ҳукуматлараро келишувда назарда тутилган чегараолди ҳудудлар аҳолиси учун уч кунгача визасиз қатновни қайта йўлга қўйиш масаласи кўриб чиқилди.
Шунингдек, Тошкент – Ашхобод – Тошкент йўналиши бўйича мунтазам авиақатновларни ташкил этиш, халқаро юк ташишни соддалаштириш ва чегара ўтказиш пунктлари фаолиятини такомиллаштириш масалалари муҳокама қилинди.
Учрашув якунида томонлар муҳокама қилинган масалаларни тегишли идоралар билан биргаликда ишлаб чиқиш ва амалий ҳамкорликни давом эттиришга келишиб олди.
Изоҳ