Жорий йилнинг 10 ойида ҳуқуқни муҳофаза қилувчи органлар томонидан 14 268 та наркожиноят аниқланиб, 3 тонна 116 килограмм наркотик, психотроп ва кучли таъсир қилувчи моддалар ноқонуний муомаладан олинди. Бу ҳақда Наркотиклар ва ўқотар қуролларни назорат қилиш агентлиги ахборот хизмати раҳбари Сарвиноз Аҳмедова иштирокидаги брифингда маълум қилинди.
Ҳисобот даврида мамлакат ҳудудида 22 та ноқонуний нарколаборатория фош этилди. Наркожиноят содир этган 9 519 нафар шахс жавобгарликка тортилди. Уларнинг 3 151 нафари ёшлар, 713 нафари аёллар ва 106 нафари вояга етмаганлардир.
Шунингдек, наркожиноят содир этган талабалар сони 24 фоизга камайган.
Гиёҳвандликнинг олдини олиш мақсадида мамлакат бўйлаб 850,7 мингта тарғибот ва профилактика тадбири ўтказилди. Уларда 18,2 миллион нафар аҳоли, жумладан, 13,5 миллион нафар ёш иштирок этди.
Изоҳ