Янги тартибга кўра, шахсга нисбатан бир марта қўпол ёки такроран содир этилган, унинг хоҳиш-иродасига зид бўлган ва шаъни ҳамда қадр-қимматини камситадиган жинсий хусусиятга эга ҳаракатлар учун 10 баравардан 15 бараваргача базавий ҳисоблаш миқдори (БҲМ)да жарима ёки 10 суткагача маъмурий қамоқ жазоси белгиланди.
Бундай ҳаракатлар шахснинг ташқи кўриниши ёки гавда тузилишини жинсий мазмунда тавсифлаш, ишоралар қилиш, тегиниш ёки жинсий мойиллик хусусиятига эга таклифлар билдириш каби ҳолатларни қамраб олади.
Аввал ушбу ҳуқуқбузарлик учун 2 баравардан 5 бараваргача БҲМ миқдорида жарима ёки 5 суткагача маъмурий қамоқ жазоси қўлланилган.
Агар ҳуқуқбузарлик бир йил ичида такроран содир этилса, жарима миқдори 5–7 баравардан 15–20 бараваргача БҲМга оширилади. Бундай ҳолатда 15 суткагача маъмурий қамоқ жазоси муқобил жазо сифатида сақлаб қолинган.
Қонун билан белгиланган ўзгартишлар ҳақида Президент расмий сайтида маълумот берилган.
Изоҳ