“FIRST Global Challenge” мусобақасида жаҳон чемпиони бўлган ўзбекистонлик ёшлар давлат мукофотлари билан тақдирланди

Корея Республикасининг Инчхон шаҳрида ўтказилган «FIRST Global Challenge» халқаро робототехника мусобақасида дунёнинг 190 га яқин мамлакатидан келган ёшлар иштирок этди. Ўзбекистон терма жамоаси мусобақада рекорд натижа қайд этиб, жаҳон чемпиони бўлди.

Фармонга мувофиқ, робототехника бўйича Ўзбекистон терма жамоаси бош мураббийи Зиёдулла Бўтахонов «Содиқ хизматлари учун» медали билан тақдирланди.

«Келажак бунёдкори» медали билан эса терма жамоа сардори Иброҳим Саломов, техник мураббий Абдуллох Абдужабборов, жамоа аъзолари ва менежерлари мукофотланди.

Мукофотланганлар орасида Шоҳрухбек Акбаров, Акбаршоҳ Қосимов, Аюбхон Мирҳамедов, Умарбек Пардаев, Шукрулло Содиқов, Маҳкамбек Тешабаев, Сафина Тешабоева, Жасурбек Тожиқўзиев, Баҳодир Урманов, Хондамир Урманов ва Ҳасанхон Юсупхўжаев ҳам бор.