Давлат хавфсизлик хизматининг Тошкент вилояти бўйича бошқармаси ходимлари томонидан ўтказилган тезкор тадбирда Тошкент тумани ҳокими ўринбосари қўлга олинган.
Маълум қилинишича, у тадбиркорга қурилиш технологиялари ва композит эшиклар ишлаб чиқариш саноат мажмуасини ташкил этиш учун туман ҳокимлиги балансида бўлган 1 гектар ер майдонини аукцион савдоларига чиқариб, олиб беришни ваъда қилган. Бунинг учун давлат активларини бошқариш тизимидаги танишлари орқали ёрдам беришини айтиб, 25 минг АҚШ доллари талаб қилган.
Ҳолат юзасидан мансабдор шахсга нисбатан Жиноят кодексининг 168-моддаси 4-қисми «г» банди ҳамда 28, 211-моддаси 3-қисми «а» банди билан жиноят иши қўзғатилган.
Ҳозирда мазкур ҳолат бўйича тергов ҳаракатлари олиб борилмоқда.
Изоҳ