Иқтисодий жиноятларга қарши курашиш йўналишида Давлат хавфсизлик хизмати, Божхона ва Ички ишлар органлари ходимлари ҳамкорлигида ўтказилган тезкор тадбирда қалбаки хорижий валютани муомалага киритишга уринган шахслар аниқланди.
Хусусан, Тойлоқ туманида яшовчи, 1996, 2002 ва 2003 йилларда туғилган уч нафар фуқаро номинали 100 АҚШ доллари бўлган қалбаки банкнотлардан иборат жами 7 400 долларни шартли харидорга 44 млн сўмга сотган вақтда ушланган.
Аниқланишича, улардан икки нафари муқаддам судланган. Қалбаки банкнотлар Туркиядан олиб келинган.
Ҳолат юзасидан терговга қадар текширув ҳаракатлари олиб борилмоқда. Ҳуқуқбузарликка алоқадор бошқа шахсларни аниқлаш бўйича чоралар кўрилмоқда.
Изоҳ