«Самарқанд нони» бренди товар белгиси сифатида давлат рўйхатидан ўтказилди. Бу ҳақда Адлия вазирлиги матбуот хизмати хабар берди.
2025 йил февраль ойида Самарқанд нони географик кўрсаткич сифатида рўйхатдан ўтказилган эди.
Қайд этилишича, ушбу рўйхатдан ўтказиш маҳсулотнинг ўзига хослигини тан олиш, миллий гастрономик меросни асраб-авайлаш ва унинг бозордаги нуфузини ошириш йўлидаги муҳим қадамлардан бири ҳисобланади.
Шунингдек, «Самарқанд нони» номининг географик кўрсаткич ва товар белгиси сифатида рўйхатдан ўтказилиши миллий брендларни ҳуқуқий ҳимоя қилиш ҳамда уларнинг иқтисодий салоҳиятини оширишда муҳим аҳамиятга эга.
«Товар белгилари, хизмат кўрсатиш белгилари ва товарлар келиб чиққан жой номлари тўғрисида»ги қонунга мувофиқ, товар белгисини рўйхатдан ўтказиш тўғрисидаги гувоҳнома 10 йил муддатга берилади.
Изоҳ