Марказий банк тижорат банкларининг банк хизматлари истеъмолчилари билан муносабатларига оид минимал талабларга ўзгартишлар киритди. Бу ҳақдаги ҳужжат Lex.uz сайтида эълон қилинган.
Янги тартибга мувофиқ, кредит ёки кафиллик бўйича қарздорликни мижознинг топшириғисиз унинг барча банк карталарига боғланган ҳисобварақлардан ундиришда банк ҳисобда энг кам иш ҳақининг ярми миқдорида маблағ қолдириши шарт.
Ҳозирда Ўзбекистонда меҳнатга ҳақ тўлашнинг энг кам миқдори 1 млн 360 минг сўмни ташкил этади. Унинг ярми — 680 минг сўм.
Демак, янги қоида кучга киргач, белгиланган ҳолатларда кредит қарзини ундириш жараёнида мижознинг банк карталарида жами камида 680 минг сўм сақланиб қолиши керак.
Ўзгартишлар расман кучга кирганидан кейин амал қилади. Ҳужжатда белгиланишича, янги тартиб уч ойдан сўнг кучга киради.
Изоҳ