Келес тумани, Туркистон вилоятида 35 ёшли Ўзбекистон фуқаросига нисбатан ҳукм чиқарилди. У 8-синф ўқувчисини бир неча бор номусига тегишда айблангани ҳақида маҳаллий ОАВ хабар берди.
Маълумотларга кўра, айбланувчи 2024 йилнинг ўрталарида Қозоғистонга қурилиш ишлари учун келган. Келес туманида у қўшни уйда яшовчи 2011 йилда туғилган қизчани ожиз ҳолатидан фойдаланиб, бир неча бор номусига тегган.
Суд жараёнида эркак айбини тан олмади. Прокурор унга умрбод озодликдан маҳрум этиш жазосини талаб қилди ва суд бу талабни тўлиқ қондирди.
Туркистон вилояти жиноят ишлари бўйича махсус туманлараро суди айбланувчини Қозоғистон Жиноят кодексининг 120-моддаси 4-қисми (“Такроран содир этилган зўрлаш”) бўйича айбдор деб топиб, унга умрбод озодликдан маҳрум этиш жазосини тайинлади.
Изоҳ