Иқтисодiyot ва молия вазирлиги маълумотларига кўра, жорий йилнинг иккинчи чораги якунига келиб, Ўзбекистоннинг давлат қарзи $3,16 миллиардга кўпайган.
Давлат қарзининг умумий ҳажми $43,37 миллиардни ташкил этди. Шунингдан давлатнинг ташқи қарзи $36,41 миллиард, ички қарзи эса $6,96 миллиардга тенг.
Шу билан бирга, йил бошидан давлат қарзининг ЯИМга нисбатан улуши 35%дан 34,2%гача пасайган.
Ташқи қарз тузилишида 53% халқаро молия институтларига тўғри келади:
Осиё тараққиёт банки — $7,46 млрд (20%);
Жаҳон банки — $7,84 млрд (22%);
Ислом тараққиёт банки — $935 млн (3%);
Осиё инфратузилма инвестициялари банки — $1,69 млрд (5%);
Халқаро валюта жамғармаси — $642 млн (2%);
Европа тикланиш ва тараққиёт банки — $401 млн (1%).
31% эса хорижий ҳукуматларнинг молия ташкилотларига тўғри келади:
Хитойнинг Экспорт-импорт давлат банки ва бошқа ташкилотларига қарз — $3,86 млрд (11%);
Япония халқаро ҳамкорлик агентлиги ва бошқа япон ташкилотларига — $3,18 млрд (9%);
Франция тараққиёт агентлигига — $1,16 млрд (3%).
Иқтисодиёт ва молия вазири Жамшид Қўчқоров халқаро стандартларга кўра мамлакатнинг ташқи қарзи мўътадил ҳисобланади, дея таъкидлаган эди.
Изоҳ