Аввалроқ, мопед ва скутер ҳайдовчилари 2025 йил 1 мартгача "А" тоифадаги ҳайдовчилик гувоҳномасини олиши, 2025 йил 30 сентябргача эса транспорт воситасини рўйхатдан ўтказиши кераклиги ҳақида хабар берган эдик.
ИИВ ЙҲХББ эслатишича, 1 октябрдан бошлаб мопед ва скутерларни бошқаришга фақат улар давлат рўйхатидан ўтказилганидан кейин ва "А" тоифадаги ҳайдовчилик гувоҳномаси мавжуд бўлганда рухсат берилади.
Ушбу қоида двигателининг ишчи ҳажми 25 см3 дан 50 см3 гача, шунингдек, электр двигателининг қуввати 0,25 кВт дан 4 кВт гача ва конструктив тезлиги 25 дан 50 км/соат гача бўлган фойдаланишда бўлган мопед ва скутерларга тааллуқлидир.
Ҳайдовчилардан олдиндан рўйхатдан ўтиш ва қонунчиликда белгиланган талабларга риоя қилиш сўралган.
Изоҳ