11 январь куни соат 03:00 атрофида М-5 Урал федерал автомагистралининг 504-километри Пенза вилояти Нижнеломовский тумани Федоровка қишлоғи ҳудудида Волво юк машинаси ва JAC микроавтобуси иштирокида аянчли ЙТҲ содир бўлди. Бу ҳақда Россия Ички ишлар вазирлигининг Пенза вилояти бўйича Йўл ҳаракати хавфсизлиги давлат инспектсияси маълум қилинди.
Дастлабки маълумотларга кўра, 1981 йилда туғилган микроавтобус ҳайдовчиси қарама-қарши ҳаракатга чиқиб кетаётиб, 1991 йилда туғилган ҳайдовчи бошқарувидаги юк машинаси билан тўқнашиб кетган.
Тўқнашув натижасида микроавтобусдаги 7 киши воқеа жойида ҳалок бўлган. Яна бир жабрланувчи тез ёрдам машинасида вафот этган. Бошқа йўловчи оғир аҳволда касалхонага ётқизилган.
Қайд этилишича, ҳалок бўлганларнинг барчаси Ўзбекистон фуқаролари бўлган. Айни вақтда ҳодиса сабаблари ўрганилмоқда.