Ҳафтанинг сўнгги кунларида мамлакат ҳудудига Эрон ҳудудларидан жуда иссиқ ва қуруқ ҳаво кириб келиши давом этади.
Ушбу кунларда ҳарорат фони иқлимий меъёрлардан +5...+7 даражага юқори бўлади. Кундузи ҳаво ҳарорати +40...+45 даража атрофида, жанубда ва чўл зоналарининг баъзи жойларида +47 даражагача бўлиши кутилмоқда.
Республиканинг айрим жойларида шамол тезлиги соатига 15-20 м/с гача кучайиши, баъзи жойларда чанг-тўзонлар билан кузатилиши кутилмоқда.
Қирғизистон ҳудудидан Фарғона вилоятининг тоғ олди ва тоғли ҳудудлари бўйича гляциал (муз) сел-сув тошқин ҳодисалари юзага келиши мумкин.