Ўзбекистон ташқи ишлар вазири Бахтиёр Саидов Тогонинг ташқи ишлар вазири Роберт Дюссе билан биргаликда икки мамлакат ўртасида дипломатик муносабатлар ўрнатиш тўғрисидаги Қўшма коммюникени имзолади.
"Шубҳасиз, бизда Африка қитъаси мамлакатлари билан ўзаро манфаатли ҳамкорлик алоқаларини ўрнатиш учун катта имкониятлар мавжуд," - деди Ўзбекистон ТИВ раҳбари.
Ғарбий Африкада жойлашган Того Республикаси Ўзбекистон билан дипломатик муносабатлар ўрнатган 155-давлат бўлди.
