Бугун, 1 август куни соат 00:00 да Ўзбекистон Конституциясига киритилган ўзгартиришларнинг умумхалқ муҳокамаси якунланди.
Қайд этилишича, қонунчилик палатасининг масъул қўмиталари халқдан келиб тушган таклифларни умумлаштириш, таҳлил қилиш ва қонун лойиҳасини такомилига етказиш борасидаги фаолиятини давом эттиради.
Эслатиб ўтамиз, Ўзбекистон Конститутсиясининг янги таҳрири лойиҳасининг жамоатчилик муҳокамаси 5 июлга қадар, сўнгра 15 июлга қадар давом этди. Кейинроқ, муҳокамани яна 1 августгача узайтиришга қарор қилинди.
1-2 июль кунлари Қорақалпоғистонда рўй берган тартибсизликдан сўнг, республика мақомини ўзгартириш бўйича таклиф этилаётган тузатишлар лойиҳасидан Қорақалпоғистонга оид моддалар чиқариб ташланди.
