Қашқадарё вилояти ФВБ Матбуот хизматининг хабар қилишича, кеча, 12 июнь куни соат 14:01 ларда Қашқадарё вилояти Чироқчи тумани Лангар қишлоғи “Лангар” МФЙда яшовчи фуқаро вилоят ФВБга мурожат қилиб, шу куни тахминан соат 13:30 ларда ўзларига тегишли бўлган дала майдонида қазилган, 200 дияметирли 25 метр сувсиз артезиан қудуққа 6 ёшли ўғли тушиб кетганлигини маълум қилган.
Воқеа жойига зудлик билан вилоят ФВБ қутқарувчилари ва тегишли хизматлар куч-воситалари етиб борган. Қутқариш ишларига ФВБнинг махсус техникалари, экскаватор, грейдер ва бошқа техникалар жалб этилган.
Олиб борилган махсус қутқариш операцияси натижасида бола бугун, 13 июнь куни соат 10:25 да қутқариб олинган.
“Айни вақтда боланинг аҳволи яхши. Малакали тиббий хизмат кўрсатиш учун тез тиббий ёрдан ходимларига топширилган”, - дейилади хабарда.
