Аввалроқ, ижтимоий тармоқларда номаълум аёл фарзандларига озор бераётгани акс этган видеолавҳа тарқалди. Ҳолат юзасидан ИИВ Матбуот хизмати муносабат билдирди.
Маълум қилинишича, жорий йилнинг 29 март куни Қорақалпоғистоннинг Хўжайли тумани Янгиҳаёт кўчасида яшовчи А.А. туман ИИБ бошлиғи номига ариза билан мурожаат қилиб, 2021 йил июль ойларидан бошлаб турмуш ўртоғи бўлган Х.Ф. билан ўрталаридаги ўзаро келишмовчилик сабабли, Х.Ф. ўзининг икки нафар вояга етмаган қизларини уриб, уларга азоб бериб келаётганлигини маълум қилган.
Шу сабабли А.А. Х.Ф.га нисбатан қонуний чора кўришда амалий ёрдам беришни сўраган.
Аниқланишича, ижтимоий тармоқларда тарқалган видеотасвирда Х.Ф. томонидан ўзининг вояга етмаган фарзандлари 2017 йилда туғилган Х.Ш.ни ҳамда 2019 йилда туғилган Х.А.ни ҳар хил сўзлар билан ҳақоратлаб, уларнинг ожиз аҳволдалигини била туриб, дўппослаётганлиги тасвирланган.
Ҳозирда мазкур ҳолат юзасидан ЖКнинг 110-моддаси 2-қисми “а,в” бандлари билан жиноят иши қўзғатилиб, гумонланувчи Х.Ф.га нисбатан процессуал чеклов чора белгилаш масаласи кўрилмоқда.
