• 11 980 сўм
    -30.09
  • 13 134 сўм
    -66.62
  • 146 сўм
    -0.02
  • БҲМ
    440 000 сўм
  • МҲТЭКМ
    1 360 000 сўм
Uz
  • 11 980 сўм
    -30.09
  • 13 134 сўм
    -66.62
  • 146 сўм
    -0.02
  • БҲМ
    440 000 сўм
  • МҲТЭКМ
    1 360 000 сўм
Жамият Бугун, 11:49

Тожикистондаги авария Фарғона водийсида электр чекловларига сабаб бўлди

19 ноябрь куни эрталаб ноқулай об-ҳаво туфайли Сурхондарё эмас, балки Сирдарё ИЭСдан Фарғона водийсига электр узатувчи юқори кучланишли тармоқда авария содир бўлди. Ҳозирда унинг оқибатларини бартараф этиш ишлари олиб борилмоқда.

73
0
minenergy

Соат 06:19 да Тожикистон ҳудудидан ўтувчи 500 кВ кучланишли «L-503» электр узатиш тармоғида авариявий узилиш юз берган. Дастлабки маълумотларга кўра, мураккаб рельефли адирлик ҳудудида жойлашган таянчлардан бири ноқулай об-ҳаво шароити таъсирида қулаб тушган.

Натижада автоматик ҳимоя тизими ишга тушиб, ушбу тармоқ орқали электр энергияси узатилиши вақтинча тўхтаган. Бу айрим истеъмолчиларнинг электр таъминотида узилишларга сабаб бўлган.

Ҳозирда «Ўзбекистон миллий электр тармоқлари» АЖ мутахассислари ва авария-тиклаш бригадалари Тожикистоннинг тегишли ташкилотлари билан ҳамкорликда таъмирлаш ишларини олиб бормоқда.

Ишлар якунлангунга қадар Фарғона водийси вилоятларининг айрим ҳудудларида электр таъминотига вақтинчалик чекловлар киритилади.

Энергетика вазирлиги маълум қилишича, водийга электр энергияси бошқа тармоқлар орқали ҳам етказиб берилади. Жумладан, Фарғона вилояти «Янги Ангрен» ИЭСдан чиқувчи 500 кВ кучланишли «L-524» тармоғи орқали ҳам электр билан таъминланади.

Вазият вазирликнинг доимий назоратида. Таъмирлаш ишларининг бориши ҳақида қўшимча ахборот бериб борилади.

73
0

Изоҳ