«Тошкент халқаро аэропорти» чегара божхона пости ходимлари айрим йўловчилар томонидан олиб келинаётган телефонларнинг эмас, балки муқаддам ноқонуний йўллар билан олиб кирилган қурилмаларнинг IMEI-кодларини декларацияга киритиш ҳолатларини фош қилди.
Амалдаги тартибга кўра, жисмоний шахслар хориждан ўз эҳтиёжлари ёки тижорат мақсадида олиб келаётган мобил қурилмаларини йўловчи божхона декларациясида кўрсатиши ва уларнинг IMEI-кодларини киритиши шарт.
Аниқланишича, айрим телефонларнинг дастурий таъминоти қайта юкланиб, уларга бошқа қурилмаларга тегишли IMEI-кодлар ўрнатилган. Натижада телефон созламаларида бир код, USSD-сўров орқали эса бошқа код акс этган.
Шу тариқа қиймати қарийб 310 млн сўм бўлган iPhone’нинг сўнгги русумларига мансуб 20 та смартфонни олиб ўтишга бўлган уриниш бартараф этилди.
Ҳозирда мазкур ҳолатлар юзасидан божхона текширувлари давом эттирилмоқда.
Изоҳ