Даволанишга келган инсон учун биринчи қабулдан кейин нима қилиш кераклиги тушунарли бўлиши жуда муҳим. Бошқа мутахассис маслаҳати, қўшимча текширув ёки операция керак бўлса, барча хизматларни ўзида мужассам этган таниш тиббий тармоқда даволанишни давом эттириш имконияти айниқса муҳим.
Medion ривожланишининг асосий ғояси ҳам шу: инсон ўз дарди билан келиб, ечим топишда ёрдам ва қўллаб-қувватлаш оладиган маскан яратиш.
Ҳаммаси Лабзакдан бошланган
2016 йилда илк Medion клиникаси очилган эди. Бугун эса тармоқ Medion Labzak, Medion Family ва Medion Innovation клиникалари, шунингдек, La Tiva Istirohat ва La Tiva Mirzo Ulugbek туғуруқхоналарини бирлаштиради.
Компания маълумотларига кўра, ўн йил давомида Medion ривожига 70 миллион АҚШ долларидан ортиқ инвестиция киритилган. Бу даврда тиббий инфратузилма кенгайди, диагностика ва жарроҳликнинг янги йўналишлари очилди, шифокорлар жамоаси кенгайди.
2016-2026 йилларда тармоққа мурожаатлар сони 1,5 миллиондан ошди. Биргина 2025 йилда бу ерда 65 мингдан ортиқ бемор тиббий ёрдам олди.
Medion да 40 дан ортиқ тиббий йўналиш мавжуд, лаборатория ва диагностика бўлинмалари фаолият юритмоқда, жарроҳлик ривожланмоқда. Бу беморнинг аҳволи ва эҳтиёжларини ҳисобга олган ҳолда, текширув ва даволаш босқичларини тармоқ ичида изчил ташкил этиш имконини беради.
2025 йилда Medion клиникаларида қарийб 168 мингта диагностик текширув, 3 800 га яқин операция ва тиббий аралашув ўтказилган. Тармоқнинг жарроҳлик йўналишлари қаторида юрак ва умуртқа поғонаси операциялари ҳам бор. Шу йилнинг ўзида юракда 232 та операция бажарилган.
Тиббий ёрдамни ташкил этиш ҳам муҳим
Тармоқ кенгайиши билан Medion ходимлар учун умумий иш қоидаларини ва ички сифат назоратини такомиллаштириб бормоқда. Аудит учун Aurora ERP тизими асосида ишлаб чиқилган ўз ечимидан фойдаланилади. У ишни ташкил этишдаги муаммоларни аниқлашга ёрдам беради.
Бу жараёнларнинг мақсади бўлинмалар ўртасидаги ҳамкорликни янада мувофиқлаштиришдир. Шунда беморга, айниқса, уни даволашда бир нечта мутахассис иштирок этганда, зарур ёрдамни олиш осонроқ бўлади.
La Tiva: она ва чақалоққа ғамхўрлик
2026 йилда La Tiva туғуруқхонасининг очилиши билан тармоқ фарзанд кутаётган оилаларга ёрдам кўрсатиш имкониятларини кенгайтирди.
Бўлажак ота-оналар шифокор билан олдиндан танишиш, туғуруқ жараёнини муҳокама қилиш, она ва чақалоққа қандай ёрдам кўрсатилишини билишни истайди. Бу воқеага тайёргарлик даврида кўплаб саволлар туғилади. Уларни тиббий жамоага бемалол бериш имконияти туғуруқхона танлашда муҳим ўрин тутади.
La Tiva нинг икки филиалида саккизта туғуруқ зали ва бешта операция блоки, чақалоқлар учун 20 та, оналар учун эса 10 та реанимация ўрни кўзда тутилган. Бундай инфратузилма туғруқ вақтида ёрдам кўрсатиш, зарурат туғилганда эса интенсив кузатув ва даволашни ташкил этиш имконини беради.
Ўн йиллик фаолият ва беморлар учун янги имкониятлар
Ўн йил ичида Medion тармоғининг кўлами ўзгарди. Аммо ҳар бир беморнинг у билан танишуви ҳамон ўз саломатлигига оид саволдан бошланади.
Керакли мутахассис қайси филиалда қабул қилишини билиш, текширув имкониятларини аниқлаш ва қабулга ёзилиш учун Medion нинг расмий алоқа каналлари орқали мурожаат қилиш мумкин. Мурожаат қилганда сизни нима безовта қилаётганини айтсангиз, ходимлар тегишли йўналишни топиб, қабулга ёзилиш тартибини тушунишга ёрдам беради.
Колл-марказ: 1223
Маълумотлар Medion томонидан тақдим этилган. 2025 йилги тиббий фаолият кўрсаткичлари бутун тармоққа тегишли.
Реклама ҳуқуқи асосида
Изоҳ