Ички ишлар вазирлиги Тезкор-қидирув департаменти, унинг ҳудудий бўлинмалари, Давлат хавфсизлик хизмати ҳамда Божхона қўмитаси ходимлари ҳамкорликда тезкор тадбирлар ўтказди.
Биринчи ҳолатда, муқаддам судланган жиноий гуруҳ етакчиси 1985 ва 1973 йилларда туғилган шериклари билан бирга «Spark» автомобилида Тошкент–Андижон магистрал йўлига келган. Улар белгиланган жойда яшириб қўйилган 13 кг гашишни олаётган вақтда қўлга олинган.
Иккинчи ҳолатда, Бўка туманида 1972 йилда туғилган, муқаддам судланган гиёҳвандлик моддалари сотувчиси 1976 йилда туғилган шахсга 20 минг доллар эвазига 2 кг опийни сотаётган вақтда ушланган.
Ҳар икки ҳолат бўйича Жиноят кодексининг 273-моддаси 6-қисми «а» банди билан жиноят иши қўзғатилган. Гумонланувчилар қамоққа олинган.
Ички ишлар вазирлиги фуқароларни шубҳали шахслар ёки уларнинг фаолияти ҳақида маълумотга эга бўлганда Telegram’даги «stopnarkobot» ботига мурожаат қилишга чақирди.
Изоҳ