Бош прокуратура ҳузуридаги Департаментнинг Зангиота тумани бўлими томонидан ўтказилган текширувда Нурафшон шаҳридаги тозалаш иншоотлари қурилишида бюджет маблағларини талон-торож қилиш ҳолати аниқланди.
Маълум бўлишича, «Сув таъминоти ва канализация объектлари қурилиши бўйича инжиниринг компанияси» давлат унитар корхонасининг Тошкент вилояти ҳудудий бошқармаси ҳамда «Сувоқова» давлат унитар корхонаси ўртасида тузилган шартнома доирасида бажарилган қурилиш ишлари бўйича сохта ҳужжатлар расмийлаштирилган.
Ушбу ҳужжатларда қурилиш ишларининг қиймати 87,2 млрд сўм этиб кўрсатилган. Бироқ амалда бажарилган ишлар қиймати 73,3 млрд сўмни ташкил этган.
Шу тариқа, бажарилмаган ишлар қийматини қўшиб кўрсатиш орқали 13,9 млрд сўм бюджет маблағлари талон-торож қилингани аниқланган.
Мазкур ҳолат юзасидан Ўзбекистон Республикаси Жиноят кодексининг тегишли моддалари билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ