"Хавфсиз ва соғлом юрт" тезкор-профилактик тадбирлари доирасида ДХХнинг Тошкент шаҳар бўйича бошқармаси ҳамда пойтахт ИИББ ходимлари ҳамкорлигида ўтказилган тезкор тадбирда гиёҳвандлик воситалари савдоси билан шуғулланувчи хориж фуқаролари қўлга олинди.
Жорий йилнинг 12 июнь куни Ўзбекистонга келган Украина давлатининг 1994, 1997 ва 2001 йилларда туғилган 3 нафар фуқароси вақтинчалик истиқомат қилаётган Тошкент шаҳар Яшнобод туманидаги иккита хонадон холислар иштирокида кўздан кечирилди.
Натижада, Тошкент шаҳрининг турли манзилларида "закладка" тарзида тарқатиш учун кичик бўлакларда тайёрлаб қўйилган умумий оғирлиги 1 кг 945 гр. бўлган "гашиш", "мефедрон" ва "альфа-ПВП" наркотик моддалар борлиги маълум бўлди.
Шунингдек, интернет наркодўкон ташкилотчилари томонидан мазкур чет эл фуқароларига келгусида қайта қадоқлаб, пойтахт ҳудудида тарқатишлари учун хуфия жойда қолдирилган жами 460 гр "мефедрон" ва "альфа-ПВП" ҳам ашёвий далил сифатида олинди.
Ҳозирда уларга нисбатан ЖКнинг 273-моддаси 6-қисми "а" банди билан жиноят иши қўзғатилиб, "қамоқ" эҳтиёт чораси қўлланилди. Тергов ҳаракатлари олиб борилмоқда.
Изоҳ