Платформада 50 дан ортиқ брендга мансуб автомобиллар сотуви бўйича эълонлар жойлаштирилган бўлиб, фойдаланувчилар кўпинча Chevrolet нинг Lacetti, Cobalt ва Spark моделларини сотиш ҳақида эълон беришади.
Uzum Avto нинг асосий хусусияти текширилган эълонлар ва осон жойлаштириш жараёнидир. Автомобилни сотувга қўйиш учун давлат рақами, фотосуратлар ва нархни киритиш кифоя. Қолган маълумотларни сервис автоматик тарзда тўлдиради, шу боис эълонни жойлаш тахминан бир дақиқа вақт олади, эълон бериш ҳам хусусий сотувчилар, ҳам автодилерлар учун бепул бўлиб қолади.
Барча эълонлар AI ёрдамида автоматик текширилади. Сервис фойдаланувчилар фақат актуал таклифлар ва ҳақиқий автомобилларни кўришлари учун дубликатлар, сохта эълонлар, нотўғри маълумотларни аниқлайди ва блоклайди. Харидорлар автомобиль эгаси билан тўғридан-тўғри боғланишлари мумкин, келажакда эса иловада ҳамкор-банклардан автомобиль сотиб олиш учун кредит олиш имконияти пайдо бўлади.
«Биз автомобиль сотиб олиш ва сотишни бошқа ҳар қандай маҳсулотга онлайн буюртма бериш каби оддий ва шаффоф қилишни истаймиз. Синов тариқасида ишга тушириш давомида биз сотувчилар ҳам, харидорлар ҳам оила учун автомобиль сотиб олиш стресс эмас, балки биринчи навбатда қувончли воқеа бўлиши учун тасдиқланган эълонлар ва тушунарли фойдаланувчи тажрибасига эга платформага муҳтож эканликларига ишонч ҳосил қилдик», – дейди Uzum Avto бош директори Егор Абрамец.
Реклама ҳуқуқи асосида
Изоҳ