Чехия бош вазири Андрей Бабиш 29-30 апрель кунлари расмий ташриф билан Ўзбекистонда бўлади.
Ташриф дастурига мувофиқ, Тошкент шаҳрида олий даражадаги музокаралар бўлиб ўтади, уларда Ўзбекистон-Чехия кўп қиррали ҳамкорлигини янада ривожлантириш истиқболлари кўриб чиқилади.
Ўзаро савдони кўпайтириш, машинасозлик, "яшил" энергетика, кимё, фармацевтика ва транспорт соҳаларида кооперацияни чуқурлаштириш масалалари диққат марказида бўлди.
Шунингдек, маданий-гуманитар ва таълим соҳаларидаги ҳамкорлик масалалари муҳокама қилинади.
Бундан ташқари, халқаро кун тартибидаги масалалар, шу жумладан кўп томонлама платформаларда ўзаро қўллаб-қувватлаш юзасидан фикр алмашилади.
Учрашув якунида икки томонлама ҳужжатлар имзоланиши кўзда тутилган.
Ташриф доирасида Андрей Бабиш Ўзбекистон-Чехия бизнес форумида ҳам иштирок этади.
Изоҳ