Тошкент шаҳарининг Яшнобод туманида жойлашган Aviator савдо мажмуасида содир бўлган ёнғин факти бўйича жиноят иши қўзғатилди. Бу ҳақда UzNews.uzга Бош прокуратура матбуот котиби Ҳаёт Шамсутдинов маълум қилди.
Эслатиб ўтамиз, ёнғин 31 январь куни содир бўлган. Олов бинoнинг иккинчи қаватидаги 800 квадрат метр майдонни қамраб олган бўлиб, умумий овқатланиш ҳудуди ва болалар майдончасига зарар етказган. Ёнғин оқибатида 2023 йилда туғилган қизалоқ ҳалок бўлган.
Мазкур ҳолат юзасидан Жиноят кодексининг 192-11 (Нодавлат тижорат ташкилотида ёки бошқа нодавлат ташкилотида мансабдор шахслар томонидан ўз ваколатларини суиистеъмол қилиш) ва 259 (Ёнғин хавфсизлиги қоидаларини бузиш) моддалари билан жиноят иши қўзғатилган.
Тергов доирасида мутахассислар ёнғин келиб чиқишининг аниқ сабабларини аниқламоқда.
Изоҳ