Россия ТИВ расмий вакили Мария Захарова россиялик телебошловчи Владимир Соловёвнинг Марказий Осиё мамлакатлари ва Арманистон ҳақидаги сўзларига изоҳ бериб, бу журналистнинг "Соловьёв Live" хусусий каналида билдирган шахсий фикри эканини таъкидлади.
Бундан ташқари, у телебошловчининг сўзлари тасдиқ эмас, балки савол шаклида бўлганини таъкидлади.
"Бу иборалар "диван" таҳлилчилари томонидан очиқдан-очиқ провокацион кўринишда деярли Россиянинг расмий позицияси сифатида тақдим этилган. Яна бир бор таъкидламоқчиманки, расмий нуқтаи назар ваколатли мансабдор шахслар томонидан билдирилади.
Мамлакатимизни Жанубий Кавказ ва Марказий Осиё билан тарихан яхши қўшничилик, стратегик ҳамкорлик ва қардошлик муносабатлари боғлаб туради. Ишларга қараб баҳо бериш керак - биз неча марта ёрдамга келдик, самимий ҳис-туйғуларни намоён этдик, ҳамдардлик билдирдик, қувончни баҳам кўрдик," - деди Мария Захарова.
Изоҳ