Тошкент шаҳри марказидаги "Ҳамид Олимжон" метро бекати яқинида жойлашган "Ўзавтойўл"нинг офис биноси онлайн аукционда 242,09 млрд сўмга сотилди. Бу ҳақда e-auksion.uz сайтидаги маълумотларда келтирилган.
Аукцион 18 декабрь куни бўлиб ўтди ва 15 дақиқадан камроқ давом этди. Объектнинг бошланғич қиймати қарийб 230,6 млрд сўмни ташкил этган.
Савдо маълумотларидан кўриниб турибдики, фақат битта ставка қўйилди - у бошланғич нархдан 5% га ошди. Қобилжон Мамадиёрович Норбеков аукцион ғолиби деб топилди ва унинг таклифи электрон савдо тизими орқали тасдиқланди.
Айни пайтда лот балансда сақловчининг тасдиқловчи имзосини кутиш босқичида турибди.
Изоҳ