Жорий йилнинг 18 декабрь куни Буюк Британия Россияга қарши санкциялар рўйхатини янгилади. Санкциялар Украинани беқарорлаштиришда ёки Украина ҳудудий яхлитлиги, суверенитети ёки мустақиллигига путур етказиш ёки таҳдид солишда иштирок этган ёки иштирок этаётган, шунингдек, Россия ҳукумати фаолиятидан фойда олаётган ёки уни қўллаб-қувватлаётган шахсларга нисбатан қўлланилади.
Унга 24 нафар жисмоний ва юридик шахс, шу жумладан, тўртта компания ва ўзбекистонлик тадбиркор киритилган.
Хусусан, 71 ёшли тошкентлик Мўминов Рустам Раҳимжонович Ўзбекистон, Россия ва Исроил фуқаролигига эга. Ҳужжатда айтилишича, у молиявий хизматлар кўрсатиш ёки бундай ҳаракатларга ёрдам бериши мумкин бўлган пул маблағлари, иқтисодий ресурслар, товарлар ёки технологияларни тақдим этиш орқали Украинани беқарорлаштиришда ёки Украинанинг ҳудудий яхлитлиги, суверенитети ёки мустақиллигига путур етказиш ёки таҳдид солишда иштирок этаётган ёки иштирок этган.
Шунингдек, рўйхатга қуйидагилар ҳам киритилган:
Фарғона кимё заводи;
"Chemistry International" МЧЖ ҚК (Навоий);
"Raw Materials Cellulose" МЧЖ (Жиззах);
"Gelion Business Trade" МЧЖ (Тошкент).
Асос сифатида компаниялар товар ёки технологияларни тақдим этиш орқали Украинани беқарорлаштиришда ёки унинг ҳудудий яхлитлиги, суверенитети ёки мустақиллигига путур етказиш ёки таҳдид солишда иштирок этаётганлиги ёки иштирок этганлиги кўрсатилган.
Низом молиявий санкциялар, жумладан, активларни музлатиш, шунингдек, траст хизматларини кўрсатишни тақиқлашни назарда тутади.
Изоҳ