Тошкентнинг Шайхонтоҳур туманида уйни ижарага берувчи эркак қизга нисбатан тегажоғлик қилгани учун маъмурий жазога тортилди. Бу ҳақда туман судининг қароридан маълум бўлди.
Суд ҳужжатларига кўра, эркак ҳисоблагични текшириш баҳонасида ёш оилага ижарага берган уйга келган. У ерда 22 ёшли К.З. ёлғиз эканини ва унинг турмуш ўртоғи ишда эканини билган ҳолда, унга номақбул таклифлар қилган, белидан қучоқламоқчи бўлган ва ўпишга уринган, интим муносабатга ундаган.
Аёл бақирган ва ўзини ҳимоя қилиш учун пичоқ олган, шундан кейин қўшнилар унинг бақирганини эшитиб, мазкур уйга киришган.
Суд мажлисида уй эгаси ҳисоблагич кўрсаткичларини текшириш учун келганини тан олган, лекин тежоғликни инкор этган ва суддан енгиллик сўраган.
Суд уни МЖтКнинг 41-1-моддаси 1-қисми бўйича айбдор деб топди ва 5 сутка маъмурий қамоқ жазосини тайинлади.
Изоҳ