Тошкент шаҳар ҳокими “Тошкент шаҳрида умумтаълим мактабларида таълим сифатига янада эътибор қаратиш ва ўқувчиларнинг дарсларга қатнашини тартибга солиш чора-тадбирлари тўғрисида”ги қарорни имзолади.
Ҳужжатга кўра, Олмазор туманидаги 31 та мактабнинг 250 та синфида тажриба тариқасида Smart School электрон дастури орқали таълим сифатини доимий назорат қилиш тизими жорий этилади.
Ушбу дастур ўқувчиларнинг дарсларда қатнашиши, сунъий интеллект ёрдамида уларнинг психоэмоционал ҳолатини аниқлаш, фанларга бўлган қизиқишини ҳамда ўқитувчиларнинг педагогик салоҳиятини баҳолашни назарда тутади.
Шунингдек, Тошкентдаги умумтаълим мактабларининг 10 ва 11-синфлари Smart School дастури орқали таълим сифатини ошириш мақсадида ўқувчиларнинг дарсга қатнаши ва фанларга қизиқишини кузатиш учун махсус видеокамералар билан жиҳозланади.
Изоҳ