Москва шаҳри суди ўзбекистонлик фуқаро С.ни ноқонуний миграцияни ташкил этгани учун айбдор деб топди.
Маълумотларга кўра, судланувчи 2022 йил июлдан 2024 йил июнига қадар шериги Г. билан биргаликда Россия ҳудудида хорижий фуқароларнинг ноқонуний қолиши ва миграция ҳисобидан ўтиши учун шароит яратиб бериш билан шуғулланиб келган.
Терговда аниқланишича, судланувчи Москвадаги почта бўлимларидан ўзбекистонлик фуқароларнинг паспортларини тўплаб, шахсий алоқалари орқали уларга сохта муҳр-штамплар қўйиш билан шуғулланган. Шунингдек, у хорижий фуқаролар учун янги миграция карталарини тайёрлаб, Петропавловск–Камчатскийга юборган. У ердаги шериги ҳужжатларни қабул қилиб, уларни фуқароларга қайтарган.
Суд жараёнида С. ўз айбини тўлиқ тан олди ва қилган ишидан афсусланаётганини маълум қилди.
Суд Россия Федерацияси ЖКнинг 322.1-моддаси 1-қисми ва 2-қисми "а" бандига мувофиқ, судланувчини айбдор деб топди ҳамда 1 йил 2 ой муддатга озодликдан маҳрум қилиш жазосини тайинлади.
Изоҳ