Тошкент шаҳар Чилонзор туманида электромобиль ёниб кетганлиги акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ИИББ ЙҲХБ Матбуот хизмати изоҳ берди.
Унга кўра, жорий йилнинг 28 август куни соат 08:09 атрофида Чилонзор тумани Бунёдкор шох кўчаси 64-уй олдида, электр қувватгичда турган электромобилда ёнғин содир бўлган.
"Воқеа содир бўлган жойга туман ФВБ ходимлари зудлик билан етиб борган ва ёнғин бартараф этилган. Тан жароҳат олганлар йўқ," - дейилади хабарда.
Мазкур ҳолат юзасидан ФВБ ва ИИББ ЙҲХБ масъул ходимлари томонидан дастлабки суриштирув ишлари олиб борилмоқда.
Изоҳ