Дастлабки маълумотларга кўра, 2025 йил 26 август куни «Артёмовский рудник» АЖ шахтасида 30 ёшли Ўзбекистон фуқароси меҳнат патенти асосида тоғ жинсларини қазиш ва мустаҳкамлаш ишларини олиб бораётган вақтда кучли кўчки содир бўлган. Натижада ишчи қазилма остида қолиб, олган жароҳатлари туфайли воқеа жойида вафот этган.
Ҳодиса содир бўлган пайтда шахтада 48 нафар ишчи бўлган ва иш жараёни одатий режимда давом этган. Айни вақтда фожиа юз берган участкада хавфсизлик постлари қўйилган.
Прокуратура иш берувчи томонидан меҳнат муҳофазаси ва саноат хавфсизлиги қонунчилигига риоя этилганини текширмоқда. Текширувга ҳудудий меҳнат инспекцияси мутахассислари жалб этилган.
Ҳозирда жиноят иши қўзғатиш масаласи кўриб чиқилмоқда.
Изоҳ