Шавкат Мирзиёев мамлакат мустақиллигининг 34 йиллиги муносабати билан 523 нафар маҳкумни афв этиш тўғрисида фармон имзолади, деб хабар бермоқда «Ўзбекистон 24» телеканали.
Афв этилган шахсларнинг 195 нафари асосий жазодан тўлиқ озод этилди, 147 нафари жазони ўташдан муддатидан илгари шартли озод қилинди, 87 нафарининг озодликдан маҳрум этиш жазоси енгилроқ жазо билан алмаштирилди. Шунингдек, 94 нафар шахсларга тайинланган озодликдан маҳрум этиш жазосининг муддатлари қисқартирилди.
Афв этилганларнинг 8 нафарини чет эл фуқаролари, 45 нафарини аёл, 31 нафарини 60 ёшдан ошган эркак, 220 нафарини ёшлар (шулардан 1 нафари вояга етмаган) ҳамда 15 нафарини тақиқланган ташкилотлар фаолиятида қатнашган шахслар ташкил этади.
Маълумотга кўра, афв этилганлар профилактик ва пробацион ҳисобга қўйилади. Уларга бир марталик моддий ёрдам, зарурат бўлса тиббий кўрик ва даволаниш, шунингдек ишга жойлашиш, кредит ва субсидия олиш, ҳужжатлар ва пенсия расмийлаштиришда кўмак кўрсатилади.
Изоҳ