Суд ҳужжатларида аниқланишича, 40 ёшли эркак 2025 йил 21 июль куни “Ислом Каримов” номидаги “Тошкент халқаро аэропорти”нинг учиб келиш йўналишида “Москва-Тошкент” рейси билан учиб келаётган ҳаво кемаси бортида маст бўла туриб, ўзи билан битта бортда кетаётган йўловчи Л.М.га шаҳвоний шилқимлик қилиб, унинг кўкракларига тегинган ҳамда ўзининг шимини ечиб жинсий аъзосини чиқарган.
Аёл эса эркакка бу ҳаракатларини тўхтатишини ва ўзини тўғри тутиши кераклигини айтишига қарамасдан, у ўз ҳаракатларини давом эттириб, шаҳвоний хусусиятга эга бўлган ҳаракатларни содир этганлиги яъни шаҳвоний шилқимлик қилганлиги аниқланган.
Суд мажлисида эркак ўз кўрсатувида, ҳуқуқбузарликни тан олиб, ўша куни 3 бакал пиво ичганлиги сабабли спиртли ичимлик таъсирида бўлганлигини, парвоз вақтида ўзини билмасдан ўзи билан битта бортда кетаётган йўловчи аёлни кўкракларига тегиниб, шимини ечиб жинсий аъзосини чиқариб унга тегинганлигини, буни билиб туриб қилмаганлигини, маст бўлганлиги сабабли ҳаракатларини оқибатини тушунмаганлигини, қилган ишидан пушаймонлигини, бошқа бу ҳолат такрорланмаслигини, кечирим сўраганлигини баён қилиб, унга нисбатан енгиллик беришни сўради.
Эркакка МЖтКнинг 41-1-моддаси 1-қисми билан 3 сутка маъмурий қамоқ жазоси тайинланган.
Изоҳ